Haradinaj sinjalizon kthimin në institucione- kërkon themelim të Byrosë Nacionale të Hetimeve

Kreu i AAK’së Ramush Haradinaj i cili dha dorëheqje nga posti i deputetit ka dalë me dy propozime për institucionet e Kosovës: transformimin e FSK’së në Ushtri dhe themelimin e Byrosë Nacionale të Hetimeve. Ai ka thënë se do të miratojmë “infrastrukturën e duhur ligjore e kushtetuese për të realizuar reformat në këto fusha”.
Ja çfarë shkruan Haradinaj.

Ja çfarë shkruan Haradinaj.

Reforma institucionale për kompletimin e sistemit të sigurisë

Janë dy fusha që kërkojnë reforma institucionale për të kompletuar sistemin e sigurisë nacionale dhe rendit e ligjit në Kosovë.

1. Transformimi i FSK-së në Ushtri të Kosovës

Ku përfshihet ndryshimi i misionit, mandatit, detyrave, përgjegjësive, numrit të pjesëtarëve, buxhetit, pajisjeve dhe infrastrukturës;

2. Themelimi i Byrosë Nacionale të Hetimeve –BNH

Që do të jetë mekanizëm i sistemit të drejtësisë penale të Republikës së Kosovës, i vendosur te Zyra e Prokurorit të Përgjithshëm dhe të jetë i specializuar për të hetuar krimet; të ketë homologun e vet në Departamentin e Hetimeve në Policinë e Kosovës, që do të të ketë emër të ngjashëm – Policia BNH; si dhe në sistemin gjyqësor – Departamenti Gjyqësor për Rastet Penale nën Juridiksionin e BNH-së.

BNH do të jetë përgjegjëse për luftimin e terrorizmit, krimit të organizuar dhe korrupsionit në nivel të lartë.

Programi ynë për këto reforma është i bazuar në nevojat e domosdoshme për funksionalizimim e sigurisë nacionale dhe rendit e ligjit në Kosovë.

Do të hartojmë dhe miratojmë infrastrukturën e duhur ligjore e kushtetuese për të realizuar reformat në këto fusha.

RH