Haradinaj shpreson se në Samitin e Berlinit do të marr sinjal për liberalizim të vizave
RajoniPress
12:35, 24 Prill, 2019
Kryeministri i Kosovës, Ramush Haradinaj, tha sot se do të jetë pjesë e samitit në Berlin ku është edhe Serbia e pranishme.
Ai tha se pret që në këtë samit, Kosova të marr sinjalin për liberalizimin e vizave.
“Kemi interes të shkojmë, është një ngjarje e respektueshme, nuk është vetëm Kosova dhe Serbia, janë edhe vendet e rajonit. Kjo është një shtytje në perspektiven tonë evropiane dhe ajo që na intereson është edhe liberalizimi i vizave, qysh e dini është vonuar shumë”, tha Haradinaj.
Këtë deklaratë Haradinaj e dha në Panairin Ndërkombëtar Prishtina 2019 i cili ka filluar sot.
Bashkë me kryeministri Ramush Haradinaj në Samitin që do të mbahet më 29 prill në Berlin do të shkojë edhe presidenti i Kosovës Hashim Thaçi. /Telegrafi/
