Haradinaj: Rrugëtimin drejt BE-së do ta bëjmë së bashku me Shqipërinë

Kryeministri i Kosovës, Ramush Haradinaj, pas takimit që zhvilloi me kryeministrin e Shqipërisë, Edi Rama, ka falënderuar për mikpritjen.

Gjatë një konferencë të përbashkët për media, Haradinaj tha se Kosova asnjëherë nuk ka qenë e vetme në rrugëtimin e saj shtetndërtues.

“Më vjen mirë për nderin që më bëtë sot që të jemi bashkë edhe një vit në angazhimet e përbashkëta për heroin tonë që na ka bërë çdo herë krenar, Gjergj Kastriotin-Skënderbeun. Ne kurrë nuk kemi qenë vetëm në rrugëtimin tonë si Kosovë, pranë e kemi pasur gjithmonë Shqipërinë”, ka thënë Haradinaj, raporton Telegrafi.

Kryeministri Haradinaj më tej shoti “jemi shumë të vendosur që rrugëtimin tonë drejt BE-së ta bëjmë së bashku me Shqipërinë”.

Haradinaj theksoi se mirëpresin mbledhjen e të dy qeverive që do të mbahet me 27 nëntor në Korçë, ku shtoi se mirëpret lehtësimin e shumë procedurave për çka u dakorduan me Edi Ramën. /Telegrafi/