Haradinaj: Rezistenca e familjes Jashari frymëzoi shqiptarët për çlirim

Ish-kryeministri i Kosovës, Ramush Haradinaj, ka shkruar për përvjetorin e 25’të ku Serbia e kishte sulmuar për herë të dytë familjen Jashari.

Haradinaj ka thënë se kjo familje ishte frymëzim për shqiptarët që të çlirohen.

“22 janari 1998, për familjen Jashari të Prekazit nuk ishte ditë e zakonshme. Atë ditë, baci Shaban me tërë familjen i rezistuan sulmeve të armikut, në sulmin e dytë që iu bë kësaj familjeje emblematike të kombit tonë”, ka thënë kreu i AAK-së.

“Rezistenca dhe trimëria e tyre, frymëzoi edhe më shumë shqiptarët për luftë deri në çlirim”.

“Jasharajt i dhanë emër sakrificës për liri. Kjo familje gjithmonë u nda me lavdi, e armiku gjithëherë u kthye me turp nga Prekazi”, ka thënë Haradinaj. /Express