Haradinaj: Qëllimi ynë është fitimi i zgjedhjeve, e fituesi nuk vendos vija të kuqe

Ramush Haradinaj sot ka vizituar qytetin e Suharekës. Ai theksoi se AAK-ja është e gatshme për zgjedhje dhe se qëllimi tyre është që të fitojnë.

“Qëllimi ynë është që t’i fitojmë zgjedhjet dhe për këtë jemi të gatshëm”, tha Haradinaj.

I pyetur se kur pritet të ndodhin zgjedhjet nacionale, Haradinaj tha se Kosovës i janë nevojitur më herët zgjedhjet, mirëpo nuk dha informacion se kur do të mbahen.
Për bashkëqeverisje me PDK-në ai tha se “qëllimi ynë është që t’i fituar zgjedhjet. Fituesi nuk vendos vija të kuqe, ai zgjedh partner të caktuar. Si fitues të zgjedhjeve nuk kemi nevojë që të përcaktohemi tani me kënd me bashkëqeverisë”. /Therandapost/