Haradinaj: Protestë në ditën kur votohet për demarkacionin

Kryetari i Aleancës për Ardhmërinë e Kosovës, Ramush Haradinaj, u ka bërë thirrje liderëve shtetërorë të mos i rrezikojnë Kosovën dhe liberalizimin e vizave, duke insistuar ta trafikojnë marrëveshjen për demarkacionin me Malin e Zi.

Ai ka përsëritur se kjo marrëveshje cenon territorin e Kosovës, prandaj duhet të korrigjohet sa më shpejt.

Haradinaj ka thënë për “Epokën e re” se partia e tij do të organizojë protestë në ditën kur Kuvendi do ta vë në rend dite për ratifikim demarkacionin.

Ai ka bërë me dije se AAK’ja nuk do t’u kthehet punimeve të rregullta të Kuvendit, por do të jetë e pranishme vetëm në seancat solemne dhe në seancën kur do të tentohet që të votohet demarkacioni.

Haradinaj ka thënë se qeveria aktuale është fatkeqësi për Kosovën.