Haradinaj pret në takim publicistin Veton Surroi dhe drejtorin e KFOS, Luan Shllakun

Prishtinë – Kryeministri i Republikës së Kosovës, Ramush Haradinaj, ka pritur sot në takim, publicistin Veton Surroi si dhe drejtorin ekzekutiv të Fondacionit Kosovar për Shoqëri të Hapur, Luan Shllaku.

Me këtë rast, kryeministri Haradinaj me Surroin e Shllakun, kanë biseduar për procesin e dialogut Kosovë – Serbi si dhe nevojën për unifikimin e të gjithë spektrit politik dhe të shoqërisë civile, në këtë fazë të zhvillimeve shumë të rëndësishme për vendin.

Kryeministri Haradinaj, theksoi se faktori politik duhet të ndërtojë konsensusin e brendshëm që të ndërtohet një platformë e cila e definon pozicionin e qartë të Kosovës.

Kryeministri Haradinaj ka folur edhe për taksën ndaj Serbisë, duke thënë se vendimi ishte përgjigje e politikës agresive dhe jo të drejt ndaj shtetit të Kosovës dhe si e tillë do të mbetet në fuqi deri në njohjen e Kosovës nga Serbia.

Kryeministri Haradinaj, e ka mirëpritur iniciativën e dy njohësve të rrethanave politike në vend dhe rajon, për të mbështetur procesin e dialogut final, si interes strategjik i Kosovës, për të cilin është e domosdoshme gjithëpërfshirja./rajonipress/