Lideri i Aleancës për Ardhmërinë e Kosovës(AAK), Ramush Haradinaj e quan ‘shtëpi budallësh’ qeverisjen e Albin Kurtit.
Haradinaj në emisionin ‘Pressing’ në T7 përmendi disa gabime të qeverisë që sipas tij janë edhe investimet kapitale.
“Qeverisja është në një trend të përkeqësimit të vazhdueshëm. Psh, me tregu se cka i ka ndodh ekonomisë tonë, duhet vec me u ndalë tek investimet kapitale. Nga 704 milionë euro t ëdestinuara për investime kapitale, janë realizu vetëm 79 milionë. Kjo tregon cka i ka ndodh Kosovës. Mbi 600 milionë pare nuk janë angazhu në ekonomikë. Parja e paangazhuar në ekonomi devalvohet për shkak të rritjes së cmimeve. Këto 600 milionë të devalvume zbresin në 400 milionë vlera e tyre, nëse s’kanë hy në punë me kohë, për shkak të rritjes së kostos.
Nëse i shohim të gjitha këto cështje, gabime vërtet të rrezikshme që i ka ndodh ekonomisë tonë, skemi se si me u habit, kam thënë dikur që vërtet kemi të bëjmë me një shtëpi budallë, pra në VV, në Qeverim të cilët nuk e kuptojnë as përgjegjësin e tyre, kjo është shkelje ligjore”, tha Haradinaj.
