Haradinaj për masakrën në Abri të Epërme: Të paharruar janë ata që sakrifikuan për atdheun
RajoniPress
14:47, 26 Shtator, 2022
Kryetari i AAK-së, Ramush Haradinaj ka kujtuar 24 vjetorin e masakrës në Abri të Epërme në Drenas.
Haradinaj në një postim në Facebook, ka shkruar se barbarët ekzekutuan familjen Deliu, pa kursyer askënd nga foshnje e deri te pleqtë.
I pari i AAK-së, ka kujtuar edhe tre heronjtë e UÇK-së nga Abria e Epërme, që ranë po atë ditë në altarin e lirisë, Valdet Xhemajli, Vesel Demaku e Afrim Hajdaraj.
Postimi i plotë:
26 shtatori shënon ngjarje të rëndësishme për historinë tonë, sa krenare aq edhe tragjike.
Me 1998, heroikisht do të bien në përballje me armikun, mësuesi Vesel Demaku me dy nxënësit e tij, Valdet Xhemajli dhe Afrim Hajdari.
Po atë ditë, barbarët ekzekutuan familjen Delia, po në Abri, pa kursyer askënd nga foshnja disa muajshe e deri te plaku nëntëdhjetekatër vjeçar.
Me 1991, populli i Kosovës votoi masovikisht në referendum për t’u deklaruar për Kosovën e pavarur. Akt historik, që vulosi vullnetin tonë dhe i dha shtytje procesit për liri e pavarësi.
Të paharruar janë ata që sakrifikuan për Atdheun! /Telegrafi/
