Haradinaj: PDK-ja të shkojë në opozitë

Kryetari i Aleancës për Ardhmërinë e Kosovës (AAK), Ramush Haradinaj, ka thënë se PDK-ja duhet të shkojë në opozitë. Sipas tij, kjo shkuarje e PDK-së, do të ishte në të mirë të Kosovës.

“Pas gjithë këtyre zhvillimeve, do të ishte shumë më e shëndetshme për demokracinë në vend, që PDK-ja të dalë njëherë në opozitë, ashtu siç ka ndodhur me partitë tjera”, ka thënë Haradinaj për Epoka e Re.

Ai ka paralajmëruar se për t’u bërë kryeministër, s’do t’i kërkojë ndihmë as kryetarit të PDK-së, Hashim Thaçit, e as kryetarit të LDK-së, Isa Mustafa, por qytetarëve.

“Janë qytetarët ata që vendosin, prandaj duhet të presim vendimin e tyre. Postin e kryeministrit tanimë nuk e kërkoj as nga Thaçi, as nga Isa, e as nga dikush tjetër, por nga qytetarët e Kosovës”, ka deklaruar Haradinaj. /Telegrafi/