Haradinaj: Pas tre nëntorit fituese do të jetë AAK-ja

Gjilan – Kreu i AAK-së Ramush Haradinaj tha të shtunën në Gjilan se më tre nëntor Kosova nuk do t`i kryejë të gjitha punët e veta. Megjithatë fituese e këtyre zgjedhjeve do të jetë AAK-ia në nivel komunal e qendror. AAK-ja nuk do ta mashtrojë Anamoravën sepse do të jemi me ju dhe do veprojmë bashkë në të gjitha projektet.

Lideri i AAK-së Ramush Haradinaj të shtunën i është bashkëngjitur edhe një suksesi të Rexhep Kadriut kandidatit të AAK-së së Gjilanit për kryetar komune, derisa mori pjesë në inaugurimin e një zyreje në lagjen “Arbëria” të qytetit raporton rajonipress.

Lideri i AAK-së pasi ka prerë shiritin së bashku me Rexhep Kadriun tha se kjo zyre tregon qartë për përkushtimin që ka AAK-ja ndaj problemeve të qytetarëve të Gjilanit dhe Anamoravës.”Kjo zyre është një shtytje dhe ndihmesë për qytetarët gjilanas dhe ne kemi nevojë për njerëz që veprojnë e punojnë në shërbim të qytetarëve” tha Haradinaj.

Haradinaj tha se AAK-ja nuk do ta mashtrojë as Anamoravën e as Gjilanin. “AAK do ju mbështes dhe nuk do ju mashtrojë. Do jemi bashkë edhe me projekte dhe me punë konkrete duke e lidhur Gjilanin me autostradën e Shkupit dhe atë të kombit. Mos harroni se Gjilani dhe Anamorava është anashkaluar nga Qeveria Thaçi sepse këtu s`ka investime e as vizion për ta nxjerr nga qorrsokaku financuar Gjilanin” tha Haradinaj.

I pyetur nga rajonipress se ku do ta ketë AAK vendin pas zgjedhjeve të tre nëntorit Haradinaj tha se më 3 nëntor Kosova nuk i kryen të gjitha punët e veta sepse na presin shumë sfida tjera. “Megjithatë më 3 nëntor fituese e zgjedhjeve lokale dhe nacionale do të jetë AAK-ja” tha Haradinaj.

Edhe Rexhep Kadriu kandidatë për kryetar të Gjilanit tha se hapja e zyrës në lagjen “Arbëria” është bërë me kërkesën e vet banorëve të cilët besojnë në AAK dhe kandidatin e saj.”Unë do jem i pranishëm në këtë zyre dhe së ashku do t`i trajtojmë problemet tuaja” tha Kadriu.

Ramush Haradinaj më pas është takuar me përgjegjësit e kompanisë “RC Cola” dhe më vonë pritet të takohet edhe me mërgimtarët gjilanas./rajonipress/