Haradinaj: Nuk po mburremi me veprimet në Kuvend

Kryetari i Aleancës për Ardhmërinë e Kosovës, Ramush Haradinaj thotë se marrëveshjet e fundit të Bruskelit duhet të ndalohen dhe mos të kalohen.

Haradinaj në emisionin “Komiteti” ka folur edhe për ngjarjet në seancën e Kuvendit duke thënë se janë detyruar ta bëjnë këtë për t’i parandaluar ato marrëveshje.

“Ne kemi bindje që këto marrëveshje kanë efekte të dëmshme. Unë nuk po i lavdërojë këto metoda, por vërtetë ndodhemi përpara një situate, a mi lon me i zbatuar këto marrëveshje apo me improvizo një mënyrë të pengimit. Nuk është ndonjë strategji që ne mburremi”, ka thënë ai. /Zëri/