Haradinaj: Nuk ka marrëveshje me Vetëvendosjen

Kryetari i Aleancës për Ardhmërinë e Kosovës, gjatë një konferencë për media ka thanë se nuk ka marrëveshje më Lëvizjen Vetëvendosje pasi sipas tij koha është shumë e shkurtë.

“Sa i përket marrëveshje me Vetëvendosjen është vështirë të ketë diçka pasi që nesër është seanca dhe vështirë është të ndryshohet gjendja se është kohë e shkurtë mirë po ekziston mundësia e komunikimit më tej sepse priten edhe etapa tjera”, tha Haradinaj.

I pyetur rreth pretendimeve të dy grupeve se kujt i takon kryeparlamentari, Haradinaj ka thënë se është bërë shumë debat dhe nuk po dihet se kush çka ka thënë.

Ai ka thënë se janë grupi më i madh parlamentar me 47 deputetë dhe këtë e ka vlerësuar edhe kryesia e vjetër e Kuvendit të Kosovës.

Haradinaj është shprehur i bindur se nuk do të ketë zgjedhje të jashtëzakonshme. Ai ka thënë se komunitetet etnike nuk janë pengesë në këtë proces.

Ndryshe, Këshilli Drejtues i Aleancës për Ardhmërinë e Kosovës, ka mandatuar Ramush Haradinajn për Kryeministër të ardhshëm të Kosovës.

Mandatimi i Haradinajt për këtë pozitë u bë pas nënshkrimit të marrëveshjes në mes të bllokut opozitar LDK-AAK-Nisma, të bërë një ditë pas përfundimit të zgjedhjeve të 8 qershorit.