Haradinaj: Nuk jam i përzier në ngjarjet e Kumanovës
RajoniPress
08:55, 28 Korrik, 2015
Ramush Haradinaj, ish-kryeministër dhe kryetar i Aleancës për Ardhmërinë e Kosovës, në një intervistë ekskluzive për Televizionin Art ka hedhur poshtë si spekulime se ai dhe njerëz të tij kanë qenë të përzier në ngjarjet e paradokohshme në Kumanovë.
“Problemi në Ballkan, nuk është tek patriotët, por tek qeveritë e korruptuara të cilat përpiqen të mbeten në pushtet për t’u amnistuar nga keq-qeverisja”, ka thënë Haradinaj.
Ndërkaq, duke folur për sfidat e Kosovës, ai ka thënë se vendosja e shtetit ligjor mbetet objektiv kryesor, njësoj si integrimi në strukturat euro-atlantike, në NATO dhe Bashkimin Evropian.
