Haradinaj: “Nuk i kemi kry punët e shpisë”
Në 13 vjetorin e themelimit të Aleancës për Ardhmërinë e Kosovës, (AAK), kryetari i kësaj partie Ramush Haradinaj, ka thënë se gjatë gjithë këtyre viteve njerëzit e Aleancës mbajtën gjallë frymën e dhe vizionin e kësaj partie për një Kosovë të lirë, të pavarur, të zhvilluar dhe demokratike.
Me këtë rast Haradinaj ka thënë se kjo rrugë nuk ishte e lehtë për ta por ishte besimi në këtë vizion që bëri të tejkalohen të gjitha ato sfida që ka përjetuar kjo parti deri më sot.
“Aleanca në një mënyrë e gjen forcën te njerëzit dhe te vendi, kështu do të vazhdojmë edhe më tutje. Kemi një gjendje në vend, e cila nuk përshkruhet si e mirë, por po ashtu ne kemi kry punët e shpisë. Ne kemi ba shumë korrigjime të brendshme e kemi trajtu veten që me u afatësua që me u përball pikërisht me punë te shpisë, me temat që na presin në vend, pra nuk e shfrytëzojmë këtë ditë me u lavdu e shfrytëzojmë vetëm me iu than që edhe më tutje po përballemi me punët e shpisë, kështu që me iu dhan Kosovës një aleancë të fortë të cilën besoj që Kosova ka nevojë e të cilën ne nuk ndalemi me ndërtua më tutje”, ka thënë Haradinaj.
Ai ka shtuar se Kosova nuk ka arrit këtu vetëm, por së bashku me miqtë ndërkombëtarë.
Sipas tij, AAK-ja do të vazhdojë me këtë bashkëpunim edhe në të ardhmen, për siç tha ai, për një Kosovë evropiane.
AAK-ja sonte në “Sheshin 21” ka shënuar duke festuar 13 vjetorin e themelimit të kësaj partie. /Telegrafi/