Haradinaj: Në mbrojtje të sovranitetit dhe integritetit territorial ra heroikisht Enver Zymeri

Kryetari i Aleancës për Ardhmërinë e Kosovës, Ramush Haradinaj në nëntë vjetorin e rënies së heroit Enver Zymberaj, ka thënë se duke kujtuar atë, nderojnë kontributin e të gjithë policëve.

Ai me anë të një shkrimi në Facebook ka thënë se falë profesionalizmit të tyre, Kosova është vend i sigurt për të gjithë qytetarët e saj.

“Nëntë vite më parë, në mbrojtje të sovranitetit dhe integritetit territorial të Republikës së Kosovës, ra heroikisht Enver Zymeri. Duke kujtuar Enverin, nderojmë kontributin e të gjithë policëve që falë profesionalizmit të tyre, Kosova është vend i sigurt për të gjithë qytetarët e saj. Falënderues për shërbimin dhe heroizmin e tyre”, ka shkruar Haradinaj.

Enver Zymberi, u vra me 26 korrik 2011 në Leposaviq, gjatë aksionit për të shtrirë kontrollin e Kosovës në pjesën veriore të vendit.