Haradinaj: Mandati i tretë nuk preferohet në demokraci

Në Rahovec, kreu i AAK-së, Ramush Haradinaj, ka thënë se mandati i tretë zakonisht nuk preferohet në demokraci, për shkak se shkakton dëmtim të kualiteteve institucionale e qeverisëse.

“Shumica prej nesh pajtohem, nuk është një qeverisje kredibile, kemi mbetur pa liberalizim të vizave, kemi mbetur pa Stabilizim-Asociim, kemi mbetur shumica jonë pa punë, pa integritetin ose dinjitetin e duhur, edhe pa mundësi të mira zhvillimore. Me pengesa të shumta në jetë, me dëmtime që kanë ndodhë, me korrupsion, me pengesa në rend dhe ligj. Një subjekt tjetër që ka udhëheqë me Prishtinën, po thotë ne ofrojmë zhvillimin. Në fakt, nëse e marrim si tregues çka i kanë ofruar Prishtinës, nuk është ndonjë lajm i mirë, ngufatje, stagnim, grupacione dhe pak korrupsion. Pak po thuhet, nuk dihet çka është”, shprehet Haradinaj, transmeton Telegrafi.