RCCOLA

Haradinaj: LDK pa vlera të reja, VV në rrugë të gabuar veprimi

/ 1 minutë lexim

Prishtinë – Pavarësisht mbështetjes së dhënë për shumë cështje, kryetari i AAK-së, Ramush Haradinaj nuk nguron të kritikojë qeverinë e Kosovës kur ndodhet para mbështetësve të tij.

Ai e cilësoi të dobët qeverisjen e kryeministrit Hashim Thaçi, e cila ka bërë që Kosova të shënoj regres në shumë sektorë.

Mobi Casa

Haradinaj kritikoi edhe rivalët e tjerë politikë. Lidhja Demokratike e Kosovës, sipas tij, është subjekt politik me trashëgimi të çmuar, por pa vlera të reja, ndërsa Vetëvendosje ka hyrë në një rrugë të gabuar veprimi.

Këto komente Haradinaj i bëri në Kuvendin e Punës së AAK-së për Prishtinën. Duke folur për kandidatin e AAK-së për kryetar të Prishtinës, Besnik Tahiri, Ramush Haradinaj vlerësoi se Tahiri është personi i duhur i cili duhet të udhëheqë Prishtinën. Kjo, sipas Haradinajt, sepse Tahiri është provuar për punë të përgjegjshme dhe ka profilin përkatës për qeverisjen e pushtetit lokal.