Haradinaj: Kushdo që do të veprojë njëjtë, do të shkojë në shtëpi

Kryeministri i Kosovës, Ramush Haradinaj ka thënë që ai së bashku më Këshillin e Sigurimit kanë kërkuar një hetim në lidhje me zhvillimet e fundit të arrestimit të gjashtë shtetasve turq, raporton “Zëri.info”.

Sipas Haradinajt kjo është shkelje dhe ka prek edhe të drejtat e njeriut.

“Sot kemi vendos me kërku hetim nga gjitha palët ee përfshira në bazë të përgjigjsive të tyre, si dhe kompetencava të mija, për zhvillimet e ndalimit dhe deportimit të fshehtë të gjashtë shteteve turq.

Pasojat janë ato humane të të drejtave të njeriut, por mund të konstatojmë se gjendja e sigurisë në Kosovë është e qëndrueshme dhe stabile”, ka thënë Haradinaj

Ai ka shtuar se në Kosovë siguria është stabile dhe nuk ka rrezik. “Institucionet e sigurisë janë në detyrë, ndërsa kjo që ka ndodhë është e vertetë që ka prekur aspekti human”, ka thënë Haradinaj.

Ai po ashtu ka folur edhe për shkarkimin e drejtorit të AKI-së dhe ministrit të Punëve të Brendshme ku ka thënë se të dy janë shkarkuar për shkak se nuk I kanë treguar ne lidhje me këto zhvillime.

Ai ka bërë thirrje që më mos të veprohet kështu sepse prapë do të veproj njëjtë.

“Drejtori i AKI-së dhe Ministri i Punëve të Brendshme e kanë humbur besimin tim pasi që nuk më kanë besuar dhe informuar për rrethanat prandaj ata të dy kanë shkuar në shtëpi”, ka thënë ai. /ZERI