Haradinaj – Kurtit: Koha për veprim, çdo vonesë është rrezik për sigurinë e vendit

Kryetari i AAK-së, Ramush Haradinaj përmes një postimi në Facebook i është drejtuar kryeministrit të Kosovës, Albin Kurtit, se tash është koha për veprim.

Haradinaj ka kërkuar që të përfundohet Strategjia e Sigurisë së Republikës së Kosovës, raporton Indeksonline.

Postimi i plotë:

Kryeministër, koha është për veprim

1. Përfundojeni Strategjinë e Sigurisë së Republikës së Kosovës

2.Sillni në Kuvend amandamentet e Ligjit të FSK, me nenin për donacione

3.Sillni në Kuvend projektligjin për Fondin për Donacione për FSK

4. Rishikojeni vendimin tuaj për projektin e gazsjellësit amerikan dhe miratojeni të njëjtin, pasi që nuk është vetëm projekt ekonomik por edhe i sigurisë

5. Hiq dorë nga dialogu i teknikëve dhe përcaktohu në procesin e marrëveshjes finale për njohje reciproke në kufijtë ekzistues

Çdo hezitim e vonesë për të vepruar në këtë drejtim, është rrezikim i sigurisë së vendit, për çka do t’iu mbajmë përgjegjës!

Shpërndaje.
© RAJONIPRESS