Haradinaj kujton masakrën në Abri të Epërme: Ata ishin të pafajshëm, por askush nuk u dënua për vrasjen e tyre

Kryetari i Aleancës për Ardhmërinë e Kosovës (AAK), Ramush Haradinaj ka kujtuar masakrën në Abri të Epërme në 22-vjetorin e saj.

Haradinaj përmes një postimi në Facebook ka thënë se Kosova pa paguar shtrenjtë okupimin, me spastrim etnik e shkatërrime.

“Kosova e pagoi shtrenjtë okupimin, me spastrim etnik e shkatërrime, që nuk janë asgjë krahasuar me humbjet njerëzore”, ka shkruar Haradinaj.

Ai ka thënë se do të qëndrojnë gjithmonë pranë familjeve që humbën të dashurit në këtë masakër, dhe do të kërkojnë drejtësi deri në fund.

“Sot në njëzetedy vjetorin e masakrës në Abri të Epërme, kujtojmë martirizimin e familjes Deliu, të cilët nuk u kursyen, pa dallim moshe, që nga foshnjat e deri te pleqtë. Ata ishin të pafajshëm, por askush nuk u dënua për vrasjen e tyre. Ne do të qëndrojmë gjithmonë pranë familjeve që humbën të dashurit, e do kërkojmë drejtësi deri në njeriun e fundit”, është shprehur Haradinaj. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).