Haradinaj: Kosova po përballet me tri tema të mëdha

Lideri i AAK-së Ramush Haradinaj, në një takim me anëtarë dhe simpatizantë të AAK-së në Lipjan, tha se Kosova po kalon momente të ndjeshme, kjo për shkak të tri temave të karakterit nacional.

“Gjykata Speciale, Demarkacioni si dhe Asociacioni i Komunave serbe, janë tri tema me shumë probleme” tha Haradinaj.

“Prandaj kërkohet përgjegjësi dhe mobilizim i anëtarësisë së AAK-së, që të ketë qasje konstruktive, por edhe kundështim të civilizuar, në mënyrë që të korrigjohet çka është e mundur”, tha ai.

Haradinaj tha se cilësia e keqe në qeverisje mund ta çojë vendin në zgjedhje të parakohshme, proces ky i cili poashtu kërkon një mobilizim të përgjithshëm. /Telegrafi/