Haradinaj: Kosova e gatshme për partneritet me NATO-n

Kryeministri i Kosovës Ramush Haradinaj, është takuar me drejtorin e NALT Gjeneral Ralf Hoffmann.

Në këtë takim është biseduar në lidhje me iniciativat dhe projektet mbështetëse të Ekipit Këshillues të NATO-së në Kosovë, për Forcën e Sigurisë së Kosovës, shkruan “Zëri.Info

Me këtë rast Haradinaj tha së Kosova është e përgatitur që të ketë partneritet me NATO-n për sigurinë e brendshme dhe rajonale.

“Me Drejtorin e Ekipit Këshillues dhe Ndërlidhës të NATO-s në Kosovë (NALT), Gjeneral Ralf Hoffmann, u pajtuam se FSK është forcë profesionale dhe gjithëpërfshirëse, që garanton siguri për të gjithë qytetarët e vendit. Në kuadër të takimit, diskutuam edhe për nevojën e intensifikimit të veprimeve informuese e sensibilizuese për të arriturat dhe gatishmërinë e FSK-së në procesin e transformimit në Forcë të Armatosur. Kosova është e përgatitur që të jetë partnere e NATO-s në ofrimin e sigurisë së brendshme, rajonale dhe më gjerë.RH”, ka shkruar Haradinaj./ZËRI