Haradinaj kërkon ndihmë për “100-shin” e parë
RajoniPress
16:22, 1 Korrik, 2014
I mandatuari i koalicionit LDK-AAK-NISMA, për kryeministër Ramush Haradinaj, nëpërmjet rrjetit social Facebook, ka kërkuar nga qytetarët e Kosovës që të japin sugjerimet e tyre në drejtim të “hartimit të 100 prioriteteve qeverisëse”.
Lexojeni të plotë postimin e Haradinajt në Facebook:
Të nderuar qytetarë të Republikës së Kosovës,
Së bashku me grupet punuese jemi në punë e sipër të përcaktimit të 100 veprimeve emergjente qeverisëse për 100 ditshin e parë, si dhe 100 prioriteteve qeverisëse. Këto veprime do ta kthejnë njëherë e përgjithmonë besimin në shtet.
Idetë dhe sugjerimet nga ana e juaj janë të mirëseardhura.
Komunikimi dhe pjesëmarrja e juaj na ndihmon për t’i kuptuar dhe renditur më mire këto veprime dhe prioritete.
Më shkruani në Facebook! RH
