Haradinaj kërkon ndërprerjen e dialogut me Serbinë

Kryetari i Aleancës për Ardhmërinë e Kosovës (AAK), Ramush Haradinaj ka kërkuar nga Qeveria që ta ndërpresë dialogun me Serbinë. “Mos të vazhdohet dialogu i tillë por duhet të vazhdojnë të punojnë që të kemi një ushtri”, ka deklaruar ai.

Lideri i AAK-së, Ramush Haradinaj, ka vlerësuar se dy partitë në pushtet PDK e LDK nuk duhet të eksperimentojnë tash e tutje me Kosovën, përcjell Zëri.

“Pas një kohe peng që kanë mbajtur Kosovën kërkojmë që më tutje të mos eksperimentojnë, por të vazhdojnë të punojnë të punojnë me ligj në vend dhe në luftimin e korrupsionit” theksoi Haradinaj në një konferencë të përbashkët për media me Kryetarin e NISMA për Kosovën, Fatmir Limaj.

Ndërsa Fatmir Limaj, ka vlerësuar se qeveria aktuale ka dështuar totalisht.

“Besoj koha është të ndryshojmë qasje ndaj vendit. Kosova vazhdon të mbetet me punë nën zero. Probleme tëshumta dhe kjo dëshmon se kjo qeveri ka dështuar”, është shprehur ai.