Haradinaj i impresionuar me kualitetin e produkteve të mishit “Kalabria”

Gjilan – Kryeministri i vendit, Ramush Haradinaj ka vizituar kompaninë e prodhimit dhe përpunimit të mishit në Gjilan. Sipas tij, suksesi i kësaj fabrike është arritur falë përcaktimit të fuqishëm për të punuar në Kosovë dhe për t’iu përshtatur nevojave të tregut.

Në vizitën që i bëri fabrikës së përpunimit të mishit “Kalabria”, kryeministri Haradinaj tha se kjo fabrikë ka pasur traditë dhe është ruajtur edhe zëri i mirë i njerëzve që kanë punuar, edhe tani me sjelljen e teknologjisë dhe ekspertizës së re.
“Produktet e kësaj kompanie janë të besueshme dhe më vjen mirë që në treg dalim më lirë sesa produktet e huaja dhe për nga kualiteti janë më të mira sesa ato që i importojmë”, tha kryeministri Haradinaj.

Sipas tij, suksesi i kësaj fabrike është arritur falë përcaktimit të fuqishëm për të punuar në Kosovë dhe për t’iu përshtatur nevojave të tregut.
“U bëj thirrje qytetarëve që t’i konsumojnë sa më shumë produktet e Kosovës, sepse duke fuqizuar kompanitë vendore ne fuqizojmë ekonominë e vendit tonë! Mbresëlënës kapaciteti i prodhimit dhe përpunimit të mishit në fabrikën “Kalabria” në Gjilan.
Sot, isha dëshmitar i një angazhimi serioz të fabrikës Kalabria me pronar Xhelal Selimin, suksesi i të cilit është arritur falë përcaktimit të fuqishëm për të punuar në Kosovë dhe për t’iu përshtatur nevojave të tregut. U bëj thirrje qytetarëve që t’i konsumojnë sa më shumë produktet e Kosovës, sepse duke fuqizuar kompanitë vendore ne fuqizojmë ekonominë e vendit tonë” ka thënë Haradinaj.

Kurse, Xhelal Selimi, pronar i fabrikës “Kalabria” falënderoi kryeministrin Haradinaj për vizitë, duke e njoftuar nga afër me punën që bënë kjo fabrikë, e cila merret me përpunimin dhe prodhimin e produkteve të mishit./rajonipress/