Haradinaj: Dhjetori do të sjell vendim pozitiv për liberalizimin e vizave

Kryeministri në detyrë, Ramush Haradinaj, në një konferencë për media ku ka folur për “Qeverisjen Haradinaj II”, ka përmendur edhe çështjen e liberalizimit të vizave dhe dialogut.

Haradinaj ka thënë se nëse vonohet formimi i qeverisë atëherë mund të ketë edhe vonesë në liberalizim.

“Lidhur me liberalizimin, procesi është në finale të vetën. Nëse vonohet krijimi i qeverisë mund të vonohet, nëse jo në ditët e para të qeverisë kemi liberalizimin. Presim zhvillime pozitive në dhjetor për liberalizimin. Hyrja në fuqi të vendimit mund të vonohet një javë por jo më shumë pas dhjetorit”, ka thënë ai përcjell Telegrafi.

Ai ka thënë se ai është për dialog.

“Jam për dialog siç kam qenë. Nuk jam për lëvizje të kufijve, shkëmbim territoreve apo ndarje të Kosovës. Ne kemi merita për shumë punë të kryera por kemi edhe faj”, ka thënë ai./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).