Haradinaj: Autostradën e Dukagjinit nuk ka kush që e ndalë

Kryeministri në detyrë dhe kryetari i AAK-së, Ramush Haradinaj, në RTV Dukagjini ka folur për disa çështjet aktuale të krijuara pas zgjedhjeve parlamentare.

Haradinaj ka thënë se Autostrada e Dukagjinit do të ndërtohet pasi sipas tij, VV e LDK “vijnë e shkojnë”.

“Autostrada do të bëhet në kohën e duhur. Projektet vitale nuk ka kush i ndal”.

Duke folur për dështimin në testin e PISA-s, Haradinaj ka thënë se faji është i akumuluar ndër vite por sipas tij edhe SBASHK-u ka një përgjegjësi.

Ai ka thënë se në të ardhmen prindërit duhet të organizohen dhe mos ta lenë mësimin e fëmijëve të tyre vetëm në dorë të sindikatave.

Kryeministri në detyrë ka thënë se rishikimi i demarkacionit është mundësi reale por sipas tij liderët e Malit të Zi nuk duan shumë reklamë pasi kanë një opozitë pro-serbe.

Kryetari i AAK-së, ka thënë se nëse Vetëvendosje dhe LDK e largojnë taksën ndaj Serbisë do të bënin një gabim të madh.

“Bëjnë një rast tragjik. E shkatërrojnë vetën në politikë por edhe Kosovën e dëmtojnë pasi nuk kanë më karta”, tha ndër të tjera Ramush Haradinaj.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).