Haradinaj: Absurde, Sllovenia po na del ma shtet ligjor se Gjermania!?

Lideri i Aleancës për Ardhmërinë e Kosovës, ka thënë se është i lirë, por derisa nuk ia kthejnë pasaportë i duhet të qëndrojë në Slloveni.Në emisionin “Rrokum Rroll” me Fidan Jupollin në TV Rrokum, ai thotë se është e pakuptimtë sjellja e sllovenëve, duke shtuar se ata “po bëhen më serbë se serbët” dhe se “po duan të dalin më shtet ligjor se Gjermani”.

Ai e ka quajt të turpshme deklaratën e kryeministrit Isa Mustafa se ai është ndalë në baze te ligjit, duke shtuar se çështjet me ligjin i ka tejkaluar qysh moti.

“Këta janë qyqarë. Po t’i ndodhte diçka një qytetari slloven në Kosovë, ku me ditë çka kishte bërë Sllovenia. Aq qyqana janë sa nuk guxojnë as notë proteste këta të Qeverisë me dërgu”, thotë ai.