Hapet rruga në lagjen “Çamëria” në Kamenicë

Kamenicë – Pas shembjes së dheut dhe bllokimit të rrugës në lagjen “Çamëria” të Kamenicës, disa familje të lagjes Pireva, fshatrat Miganoc dhe Gurgulloc ishin tërësisht të bllokuara nga qyteti dhe sot është bërë hapja e kësaj rruge.

Begzad Sinani dhe Fatmir Matoshi së bashku me drejtor të drejtorive komunale ishin prezent për të parë punimet nga afër, derisa Sinani tha se është bërë një rrugë dytësore emergjente në bazë të mundësive buxhetore të Komunës ku dy fshatra Miganoc dhe Gurgullovc dhe lagjja Pireva kanë qenë të bllokuara tërësisht nga qyteti dhe pas këtij intervenimi iu është mundësuar qarkullimi.

Banorët e kësaj pjese kanë falënderuar institucionet komunale për hapjen e rrugës. Komuna ka dorëzuar raportet detale në ministritë përkatëse për dëmet e shkaktuara nga shembja e dheut./rajonipress/