Hapet panairi komunal i prodhimeve vendore në Kamenicë

Kamenicë – Është hapur sot Panairi Komunal i Prodhimeve Vendore, me ç’rast rreth 41 prodhues dhe zanatlinj të Kamenicës, kanë ekspozuar prodhimet e tyre në qendër të Kamenicës.

Me këtë rast, kryetari i Komunës, Begzad Sinani ka thënë “Vitin e kaluar organizuam për herë të parë panairin dhe pas vlerësimeve të marra nga prodhuesit dhe qytetarët panairi do të jetë tradicional tash e tutje, është një mundësi e mirë që qytetarët e komunës tonë të njihen me prodhuesit e komunës dhe të njëjtën kohë edhe bizneset të promovojnë prodhimet e tyre, dua të falënderoj Ministrinë e Diasporës, Helvetas, Kep, Finca për kontributin e tyre në bashkëorganizimin e këtij panairi”.

Panairi do të jetë i hapur sot dhe nesër dhe qytetarët do të kenë mundësi të njihen me prodhimet vendore komunale, në ditën e nesërme do të ketë aktivitete të ndryshme për nderë të ditës së Diasporës./rajonipress/