Hapet ekspozita multimediale “TPNJ: Rasti i Kosovës 1998-1999” në Kamenicë

Kamenicë – Fondi për të Drejtën Humanitare Kosovë, në bashkëpunim me Komunën e Kamenicës dhe përkrahjen e Ambasadës së Zvicrës në Kosovë, kanë bërë hapjen e ekspozitës multimediale “Tribunali Penal Ndërkombëtar për ish-Jugosllavinë (TPNJ): Rasti i Kosovës 1998-1999”.

I pari i komunës Qëndron Kastrati tha se kjo ekspozitë prezanton hetimet, rekonstruktimet dhe ndjekjen e krimeve në Kosovë.

“Nëntë videot e paraqitura në kohëzgjatje prej 97 minutash, ofrojnë dëshmi për negociatat e dështuara dhe fillimin e konfliktit në Kosovë” u shpreh ai.

Kjo ekspozitë do të qëndroj e hapur deri të premten nga ora 09:00 deri në ora 16:00, në palestrën e qytetit.

Ftohen të gjithë të interesuarit të marrin pjesë në ekspozitë./rajonipress/