Hapen ofertat për tenderin 12-milionësh
RajoniPress
14:16, 25 Gusht, 2015
Katër kompani kanë konkurruar në tenderin 12-milionësh për furnizim me naftë për vetura, naftë për gjenerator, naftë për ngrohje, si dhe benzinë për vetura për 80 institucione të Republikës së Kosovës, të cilin e ka shpallur kohë më parë Agjencia Qendrore e Prokurimit (AQP).
Në procesverbalin që ka arritur ta sigurojë gazeta “Zëri” shihet se në këtë tender 8 operatorë ekonomikë (OE) i kanë tërhequr dokumentet. Ndërkaq, vetëm 4 prej tyre i kanë dorëzuar në AQP.
Në këtë tender kompanitë kanë ofertuar vetëm me profitin e tyre, ndërkaq çmimi i derivateve llogaritet ai i tregut në kohën kur kompania i dërgon derivatet në institucionin e kontraktuar.
Në bazë të procesverbalit të hapjes së ofertave më 21.08.2015, shihet se për këtë tender kompania “Hib Petrol” ka aplikuar me 634 mijë e 748 euro, kompania “Al Petrol” ka aplikuar me 11 mijë e 540 euro, si dhe konsorciumi “Petrol Company & A&V Gas &Lab Oil” me 1 mijë e 154 euro./zeri/
