Hannoveri synon blerjen e Hysajt

Mbrojtësi shqiptar, Elseid Hysaj, pritet të largohet nga kampionati italian për atë gjerman.Hannoveri e ka përcjellë lojtarin e Kombëtares së Shqipërisë në disa ndeshje dhe do të provojë transferimin e tij gjatë afatit kalimtar veror, transmeton Telegrafi.

Sipas medieve italiane dhe atyre gjermane, edhe skuadra aktuale e Hysajt, Empoli, është pajtuar që ta shesë mbrojtësin e djathtë për katër milionë euro.

Ndërkohë, besohet se Hannoveri i ka ofruar kontratë pesëvjeçare 21-vjeçarit me një pagë shumë herë më të mirë se sa fiton në Empoli.

Megjithatë, në fund të stinorit do të dihet nëse Hysaj do të transferohet në Bundesliga apo do të qëndrojë në Serie A te ndonjë skuadër tjetër. /Telegrafi/