Hani sa më shumë ushqime që përmbajnë magnez

Pak njerëz janë të vetëdijshëm sesi magnezi është thelbësor për funksionimin e trupit tonë.

Ky mineral është thelbësor pothuajse për çdo funksion dhe ind në trup, mbështet një sistem të shëndoshë imun, parandalon inflamacion e lidhur me disa lloje të kancerit dhe përmirëson funksionin e zemrës, transmeton Gazeta “Zëri”.

Perimet me gjethe të gjelbra
Në botën e të ushqyerit ushqimet me gjethe të gjelbra janë shumë të çmuara. Nëse përcaktoheni për lakër jeshile, spinaq ose për ndonjë tjetër bimë këto superushqime janë plot me minerale dhe vitamina të domosdoshme për trupin. Mundeni të zgjidhni ndonjërën nga mënyrat e konsumimit të perimeve me gjethe, në formën e sallatave, të ziera me mish ose si një shtesë në ushqimet e tjera. Jo vetëm që do të merrni magnezin që është thelbësor, por do të keni një racion të shëndetshëm me shumë pak kalori.

Peshqit
Ndoshta nga tani e dini se peshku është një përbërës thelbësor i të ushqyerit të shëndetshëm dhe të ekuilibruar. Përveç të qenët një burim i madh i vitaminës D dhe acideve yndyrore omega 3, peshqit të tillë si skumbri, salmoni dhe tuna janë jashtëzakonisht të pasur me magnez, por ky mineral gjendet edhe në llojet e tjera të peshqve.

Soja
Soja është bimë tepër e shëndetshme, e mbushur me fibra të dobishme, vitamina, minerale dhe aminoacide. Gjysmë filxhani me këtë bimë do t’jua sigurojë magnezin e nevojshëm ditor. Një tjetër mënyrë e mirë për të vënë atë në ushqimin tuaj është pasta nga soja. Bishtajoret e tjera që përmbajnë magnez me bollëk janë fasulja e zezë, e bardhë, bizelet e shumë të tjera