Hamza: Sektori i sigurimeve më i pa zhvilluar krahasuar me vendet e rajonit

Guvernatori i Bankës Qendrore të Kosovës, Bedri Hamza , ka konsideruar se sektori i fushës së kompanive të sigurimeve ka ngecur në Kosovë na krahasim me vendet e rajonit.

Hamza duke folur në panairin Financair 2015, e ka vlerësuar sektorin bankar si të suksesshëm, por ka thënë se duhet të punohet më shumë nga kompanitë e sigurimeve që të jenë më produktive në ndikimin e buxhetit. “Ekonomia e Kosovës ka pasur rritje edhe në sektorët mikrofinanciar, prandaj për kundër se ekonomia e vendit ka pasur rritje të vazhdueshme në raport me madhësinë e ekonomisë sektori i sigurimeve vazhdon të jetë i nën zhvilluar krahasuar me sektorët e sigurimeve të vendeve të tjera në rajon andaj nevojitet që kompanitë e sigurimeve të jenë më produktive në ndikimin e buxhetit në vend ”, tha Hamza, raporton Indeksonline.

Hamza, shtoi se sektori i bujqësisë dhe i prodhimit kanë pasur rritje krahasuar me vitin paraprak.

Ndryshe, rreth 20 institucione financiare po marrin pjesë në panairin Financiar 2015, qëllimi i këtij panairi është vetëdijesimi i qytetareve në lidhje me shërbimet e tyre./Indeksonline/