Hamza: Ka stabilitet makrofiskal, por duhet të ketë edhe kujdes

Ministri i Financave Bedri Hamza, ka thënë se Kosova ka stabilitet makrofiskal, por duhet të ketë edhe kujdes.

Ai ka folur të martën në RTK.

“Kosova vazhdon të ketë stabilitet makrofiskal. Nëse i referohemi situatës aktuale trendi i të hyrave është pozitiv. Nëse vazhdon kështu ne presim të kemi një përmbushje qind për qind të të hyrave. Mirëpo duhet të jemi të kujdesshëm që ky stabilitet të ruhet edhe në të ardhmen”, ka thënë ai.

Hamza pos për stabilitetin financiar dhe rreziqet e mundshme të rritjes së borxhit publik, flet edhe për informalitetin e lartë dhe masat që po ndërmerr Ministria, për reformën më të madhe fiskale që është ndërmarrë deri tash në Kosovë, për ligjin e pagave të zyrtarëve publikë, për financimin e RTK-së dhe projektin e dixhitalizimit.