Hamza: Buxheti i rishikuar nuk i adreson nevojat e qytetarëve

Deputeti i Partisë Demokratike të Kosovës, Bedri Hamza në seancën e sotme të Kuvendit të Kosovës ka pasur kritika për rishikimin e buxhetit të vitit 2021.

Hamza ka thënë se buxheti nuk i adreson nevojat e qytetarëve e të ekonomisë.

“Kemi një buxhet që vjen për t’u rishikuar, i cili nuk i adreson nevojat e qytetarëve të ekonomisë së Kosovës. Ka një mospërputhje të plotë të programit të qeverisë dhe dokumentin të cilin ne sot po e diskutojmë. Në program kemi premtime megalomane, të cilat nuk janë në kuadër të buxheti që janë pa mbulesë dhe të parealizueshme”, tha ai.

Hamza kërkoi që të sillen në Kuvend, ndryshimet në Ligjin për Paga dhe implementimin e Ligjit për rimëkëmbje ekonomike.

Shpërndaje.
© RAJONIPRESS