Hamdi Salihi në garë për golashënuesin më të mirë në Austri

Sipas gazetë austriake “krone.at”, nga të gjitha golat që ka shënuar ekipi Wiener Neustadt, 41 përqind e tyre janë të shënuar nga Hamdi Salihi.

Sulmuesi shqiptar Hamdi Salihi cili luan për ekipin Wiener Neustadt, në ligën e dytë të Austrisë vazhdon të shënojë gola edhe pse në moshën 34 vjeçare. Shkodrani edhe lojën e fundit ishte protagonist për ekipin e tij ku ka shënuar dy gola.

Salihi të dy golat i shënoi për ekipin e tij që përfundoi në barazim 2:2, ndaj Austria Lustenaut, njërin prej të cilëve në minutën e 25-të dhe tjetrin në të 60-ën me penallti, shkruan albinfo.ch.

Ish-sulmuesi i Kombëtares shqiptare ka shënuar plot 19 gola deri tani në kampionat, duke qenë momentalisht golashënuesi i dytë më i mirë, pas Chabi të Riedit me 20 gola të shënuar.

Sipas gazetë austriake “krone.at”, nga të gjitha golat që ka shënuar ekipi Wiener Neustadt, 41 përqind e tyre janë të shënuar nga Hamdi Salihi. Gazeta, duke e vlerësuar edhe si shpëtimtar të ekipit, ka ngritur edhe një pyetje: Çfarë do të bënte Wiener Neustadt, sikur mos të ishte Salihi?

Golat e Salihit kanë ndihmuar ekipin Neustadt që të jetë pretendent për t’u ngjitur në Bundesligën e parë në Austri.

Pavarësisht se ndryshon fanellë, sulmuesi Salihi nuk e harron zakonin e vjetër, duke shënuar numër të madh të golave në secilin ekip ku luan.

http://www.albinfo.ch/hamdi-salihi-ne-gare-per-golashenuesin-me-te-mire-ne-austri/