Hamdi Namani shpëton nderin e Dritës

Gjilan – Skuadra e Dritës në stadiumin e qytetit në Gjilan për pak sa nuk është koritur në ballafaqim me KF Drenasi e vlefshme për Kupën e Kosovës në 1-16 së finales.

Edhe pse ishte favorite absolute në këtë ballafaqim ,”bardh e katërtit” e Dritës për pak sa nuk u koritën me skuadrën e Drenasit e cila bën gara në Ligën e Parë të Grupit A.

Futbollistët e Dritës treguan lojë tejet të dobët ndërsa që nga minuta e 70 kishin edhe një futbollist më shumë në fushë pasi me karton të kuqë ishte ndëshkuar Bytyqi i mysafireve.

Futbollistët e Dritës lëshuan raste të 100% para portës së Bujupit i cili sot mbrojti mjaftë mirë ndërsa Simonovski Ajzeraj e Balde sot nuk gjenin rrugën drejt portës edhe pse ishin të vetmuar.

Nderin e kësaj ndeshje e shpëtoi mesfushori Hamdi Namani në minutat e vazhdimit të ndeshjes në atë 98 i cili nga 7 metra më në fund gjen rrjetën mysafire për të shënuar njiherit ky gol ishte edhe vendimtar i kësaj ndeshje tejet të dobët të Dritës.

Në rrethin e tret të garave të Kupës së Kosovës janë kualifikuar Dukagjini, Arbëria, KEKU, Drita, Ferizaj, Gjilani, Drenica, Prishtina, Malisheva, Ulpiana, Ballkani, Llapi, Onix, R.Sadiku, 2 Korriku, e F.Kosova./rajonipress/