Mobi Casa

Haliti viziton punimet në zgjerimin dhe riasfaltimin e rrugës kryesore në Vërban të Vitisë

/ 2 minuta lexim

Viti – Kryetari i Komunës së Vitisë, Sokol Haliti ka vizituar sot fshatin Vërban të Vitisë, për të parë nga afër punimet që po zhvillohen në zgjerimin dhe riasfaltimi i rrugës kryesore të këtij fshati që cilësohej si shumë e ngushtë dhe e dëmtuar, por edhe e rrezikshme për pjesëmarrësit në komunikacion.

Gjithashtu ai nga afër ka parë edhe punimet që kanë nisur në vazhdimin e trotuarit deri në fshatin Sadovinë e Jerlive, konkretisht në rrugën magjistrale Viti-Ferizaj.

Bëhet me dije se baza për shtrimin e këtij asfalti është bërë qysh në vitin e shkuar ndërsa në këtë lokalitet është bërë edhe zgjerimi i urës në rrugën kryesore të fshatit.

Hidromorava

Banorët e Vërbanit kanë falënderuar institucionet komunale të Vitisë, për këto projekte infrastrukturore duke potencuar se ato janë shumë të rëndësishëm për lëvizjen e lirë dhe të sigurt të banorëve.

Ndërkaq kreu i komunës së Vitisë, Sokol Haliti potencoi se kjo komunë është e vendosur të realizoj sa më shumë projekte të cilët ndikojnë drejtpërdrejtë pozitivisht në jetën e të gjithë qytetarëve të kësaj komune./rajonipress/