Haliti viziton projektet e shumta në Pozheran

Viti – Kryetari i Komunës së Vitisë, Sokol Haliti dhe Kryesuesi i Kuvendit Komunal të Vitisë, Naim Pira të shoqëruar nga Administratori i Pozheranit, Ilir Zuka kanë vizituar sot Pozheranin për të njoftuar lidhur me projektet e shumta që janë realizuar e po realizohen në këtë lokalitet.

Me këtë rast ata nga afër kanë parë punimet në projekte e ndryshme si në ndërtimin e dy fushave sportive në të cilët mund të zhvillohen disiplinat e ndryshme sportive por edhe në ndërtimin e trotuarit deri në dalje të Pozheranit.

Gjithashtu ata kanë parë punimet në ndriçimin publik dhe punimet në ndërtimin e objektit të ri shkollor “Halil Alidemaj”.

Me këtë rast banorët e këtij lokaliteti kanë falënderuar komunën e Vitisë, rreth investimeve që janë bërë e që po bëhen në këtë lokalitet. Përndryshe Pozherani është një ndër lokalitetet me numërimin më të madh të banorëve./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).