Haliti viziton disa projekte infrastrukturore të cilat po realizohen në Viti
Viti – Sokol Haliti edhe ditëve të festës ka dalur në teren për të inspektuar disa projekte të rëndësishme në infrastrukturë që po realizohen brenda në qytet dhe në fshatrat e Vitisë.
Haliti ka thënë se ndihet i lumtur që këto projekte po realizohen sipas dinamikës së parashikuar. “Ne jemi duke investuar në çdo cep të Vitisë dhe jemi të fokusuar në projektet ku qytetarët e kanë shprehur interesimin dhe fokusin e tyre” ka thënë Haliti.
Ndryshe, Haliti ka inspektuar punimet në zgjerimin dhe rivitalizimin me asfalt të rrugës kryesore të fshatit Sllatinë e Epërme dhe asfaltimin e parkingjeve në fshatin Kabash./rajonipress/