Haliti vizitoj disa vend punishte në Skifteraj e Letnicë

Viti – Kryetari i Komunës së Vitisë, Sokol Haliti me bashkëpunëtor ka vizituar sot disa nga lokalitet e kësaj komune ku janë duke u zhvilluar punimet e ndryshme.

Me këtë rast Kryetari Haliti ka vizituar fshatin Skifteraj ku janë duke u asfaltuar disa rrugë ka pjesa e Xhamisë së vjetër. Bëhet me dije se në këtë lokalitet është duke u punuar në asfaltimin e rrugëve: në lagjet: Musliu, Emerllahu, Bislimi, Sylejmani, Ismajli, Lutfiu, Miftari.

Gjithashtu po asfaltohen edhe rrugët “21 Shatori”, “Varrezat e të rënëve në mina”, aneksi i rrugës “Kenan Halimi” që lidhët me rrugën “Daut Sadiku”, aneksi i rrugës “17 Shkurti” që lidhët me rrugën “Daut Sadiku” si dhe aneksi i rrugës “Flakadanët”.

Përndryshe janë duke u vazhduar punimet në asfaltimin e rrugës që lidhë mes veti fshatrat Gjylekar-Subëll e Poshtme.

Ndërkaq, Haliti ka vizituar edhe fshatin Letnicë ku së shpejti pritet të fillojnë punimet në rregullimin e rrjetit të ujësjellësit brenda këtij fshati.

Përndryshe janë duke u zhvilluar procedurat e tenderimit për fazën e dytë të projektit me të cilën pritet të bëhet rregullimi i rrjetit të ujësjellësit për fshatrat Stubëll e Epërme dhe Debelldeh. Ky projekt pritet të realizohen falë bashkëpunimit të Komunës së Vitisë me Dorsch/CDI./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).