Haliti vizitoi punimet në asfaltimin e rrugës Gjylekar – Stubëll e Poshtme

Viti – Kryetari i Komunës së Vitisë, Sokol Haliti ka vizituar punimet në asfaltimin e rrugës Gjylelkar-Stubëll e Poshtme.

Gjatë kësaj vizite Kryetari Haliti ka potencuar se asfaltimi i kësaj rruge është bërë me buxhetin komunal dhe pas kërkesave që kanë shprehur qytetarët për rregullimin e kësaj rruge.

Ai shtoi se Komuna e Vitisë mbetet e përkushtuar në rregullimin e infrastrukturës rrugore në të gjitha lokalitet e saj.

Ndërkaq realizimi i këtij projekti është mirëpritur nga shumë qytetarë të cilët theksuan se me asfaltimin e kësaj rruge do të sigurohet lëvizja e lirë dhe do kthehet jeta në fshatin Stubëll të Poshtme./rajonipress/