Haliti vizitoi projektet infrastrukturore, qytetarët shprehen falënderues

Viti – Kryetari i Komunës së Vitisë, Sokol Haliti i shoqëruara nga Skënder Ahmeti, Drejtor i Inspeksionit, ka vizituar sot projektet infrastrukturore që po realizohen në lokalitetet e ndryshme. Me këtë rast ata kanë parë nga afër punimet në asfaltimin e një rruge në drejtim të varrezave të fshatit Ramnishtë.

Në këtë lokalitet ai ka vizituar edhe punimet në ndërtimin e trotuarit përgjatë rrugës “Ramush Ademi”.

Ndërkaq në Beguncë po vazhdojnë punimet në asfaltimit të rrugës “Toplana”. Përndryshe punimet në asfaltimin e rrugëve do të zhvillohen edhe nesër në qytetin e Vitisë, konkretisht pritet të bëhet asfaltimi i degëzimeve të rrugëve “Elena Gjika” dhe “Dëshmorët e Kombit”.

Ndërsa banorët e këtyre lokaliteteve kanë falënderuar institucionet komunale për realizimin e këtyre projekteve infrastrukturore duke potencuar se ato kanë një rëndësi të veçantë për qarkullimin e lirë dhe të sigurt./rajonipress/