Haliti vizitoi disa projekte infrastrukturore në fshatin Binçë

Viti – Kryetari i Komunës së Vitisë, Sokol Haliti me bashkëpunëtor ka vizituar fshatin Binçë. Aty ai nga afër ka parë disa projekte që janë realizuar dhe po realizohen në këtë fshat në të cilën kalon lumi “Morava e Binçës” dhe ku gjendet edhe shëtitorja e cili dita ditës po shfrytëzohet nga shumë qytetarë për ecje.

Me këtë rast Kryetari Haliti ka pare nga afër punimet që kanë përfunduar në asfaltimin e rrugës “Nënë Tereza” që lidhë mes veti qytetin e Vitisë me Binçën.

Ky projekt është realizuar në kuadër të bashkëpunimit të Komunës së Vitisë me Ministrinë Infrastrukturës të Republikës së Kosovës dhe është segment i parë rrugës Viti- Kërbliqë – Kaçanik.

Gjithashtu ai ka parë nga afër punimet në ndërtimin e një ure në këtë fshat që lidh mes veti fshatrat Binçë, Kabash dhe Shushtë.

Përndryshe ai është takuar aty edhe me banorë të këtij lokaliteti të cilët u shprehën falënderues për realizimin e projekteve të shumta në këtë lokalitet./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).