Haliti vizitoi disa nga projektet kryesore në Shëndetësi

Viti – Kryetari i Komunës së Vitisë, Sokol Haliti me bashkëpunëtor ka shikuar sot për së afërmi punimet që janë duke u zhvilluar në renovimin e Emergjencës në Viti, rivitalizimin e objektit të QKMF-së si dhe punimet në ndërtimin e parkut pranë kësaj qendre.

Sokol Haliti duke folur për përkushtimin e institucioneve komunale të Vitisë për përmirësimin e kushteve në aspektin e shëndetësisë tha se krahas këtyre punimeve po zhvillohen punimet edhe në ndërtimin e ambulantes në fshatin Pozheran duke thënë se këto janë të arriturat më të mëdha në aspektin e shëndetësisë në Komunën e Vitisë.

“Nuk është punuar kështu gjatë këtyre viteve në komunën tonë dhe këto i kemi arritur sivjet falë angazhimit dhe përformancës së mirë për të siguruar kushte më të mira në aspektin e shëndetësisë” u shpreh Haliti.

Duke folur lidhur me rivitalizimin e objektit të QKMF-së në Viti ai tha se kjo ka qenë e domosdoshme për këtë objekt duke theksuar se shpreson se në kohë do të përfundojnë punimet./rajonipress/