Haliti: Vitia ime, jeni të jashtëzakonshëm!

Viti – Së bashkë me kryeministrin e ardhshëm të Republikës së Kosovës, Dr. Lumir Abdixhiku, dhe me strukturat tona, e pamë nga afër forcën që ka qyteti ynë kur ai bëhet një. Në sallë e në shesh, energjia ishte krejt e veçantë, e përforcuar edhe më shumë nga mërgata jonë e mrekullueshme ka shkruar Sokol Haliti.

Postimi i plotë:

Qyteti ynë është i gjallë, i bashkuar dhe i vendosur në kërkim të ndryshimit të madh që i duhet Kosovës sot. Kjo energji nuk është rastësi; është shenjë e një vetëdijeje që po rritet kudo: se vendi ka nevojë për drejtim të qartë, për institucione që funksionojnë dhe për politikë që i shërben qytetarit.

Dhe sonte, në ndezjen simbolike të dritave të fundvitit në qytetin tonë, bashkë me Lumirin, me Përparimin dhe me bashkëpunëtorët e tjerë, e bëmë edhe këtë moment si shenjë se rruga përpara duhet të jetë më e ndritur, më e rregullt dhe me më shumë besim.

Vitia është gati. Ne jemi gati. Këtë vullnet do ta kthejmë në rezultat.

Një, dy, tre.