Haliti: Vitia është e qetë, të mbahet kjo gjendje

Viti – Komiteti Komunal për Mbrojtje dhe Shpëtim (KKMSH) i Komunës së Vitisë, ka vlerësuar se situata epidemiologjike është stabile.

Kryetari Sokol Haliti ka thënë se tash e tri javë Vitia nuk ka raste të reja me Covid 19, por sipas tij, ky ritëm duhet të mbahet.

Haliti tha se edhe festa e Fitër Bajramit, po kalon e qetë, por ka shprehur keqardhje që qytetarët nuk po kanë mundësi të vizitojnë të afërmit, si herave tjera, pasi këto masa u vendosën për të mbrojtur shëndetin publik. Ai ka falënderuar qytetarët për vetëpërmbajtjen e treguar, por ka bërë thirrje që të kenë kujdesin edhe në vazhdim, sepse rreziku nuk ka kaluar.

Haliti tha poashtu se është esenciale që sa më shpejt të kthehet normaliteti dhe njerëzit të punojnë, sepse ekonomia duhet të rimëkëmbet sa më shpejt që të jetë e mundur./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).